EconomíaEconomíaÚltima hora

Expourense e o INADEH de Panamá asinan un convenio de colaboración

Samuel Rivera e Alejandro Rubín.

Expourense vén de asinar un convenio de colaboración co Instituto Nacional de Formación e Desenvolvemento Humano de Panamá (INADEH) que lle permitirá prestar asesoramento e facilitar a capacitación dos seus instrutores e alumnos en temas relacionados co turismo de saúde e benestar o a gastronomía. Este convenio facilitará a presenza de INADEH nos eventos internacionais organizados por Expourense, e a participación de expertos en distintas disciplinas elixidos pola Fundación entre a súa ampla rede de socios a nivel mundial, para impartir cursos de capacitación nas instalacións do Instituto.

A sinatura do convenio foi na Cidade de Panamá e correu a cargo do director xeral de Expourense, Alejandro Rubín, e o director xeral de INADEH, Samuel Rivera, que dixo que o obxectivo deste convenio é “fortalecer os condicionamentos dos instrutores con novas técnicas para así posicionar á institución como ente superior da formación profesional no país”. Ao rematar o acto de sinatura, o director xeral de Expourense recibiu a oferta académica do INADEH, a cal comprometeuse a revisar curso por curso e determinar en que áreas poden ofrecer capacitación para instrutores e participantes.

A relación entre Expourense e o INADEH xurdiu a raíz de participación de varios dos seus instrutores e alumnos na última edición de Xantar, Salón Internacional de Turismo Gastronómico no que Panamá participou como país convidado.

A sinatura do convenio tivo lugar na Cidade de Panamá.

Artigos relacionados

Back to top button