O incendio de Casaio (Carballeda de Valdeorras), iniciado ás 13:59 horas do 9 de agosto, está extinguido dende as 20:29 horas deste 15 de agosto, tras afectar a 440 hectáreas, segundo os datos da Consellería de Medio Rural.
No seu control traballaron 2 técnicos, 123 axentes, 65 brigadas, 17 motobombas, 2 pas, 9 avións e 10 helicópteros.
Esta tarde tamén quedaban extinguidos na provincia de Ourense, os incendios de Astureses (Boborás), San Cosmede de Cusanca (O Irixo) e Pentes (A Gudiña). Están estabilizados os de Camba (Laza) cunhas 2.100 hectáreas queimadas; Fumaces e a Trepa en Riós (103 hectáreas); As Chás en Oímbra (70 hectáreas); e Campobecerros en Castrelo do Val (175 hectáreas).
