Do total de hectáreas afectadas, 155 eran de monte raso e as 6 restantes de arborado, segundo Medio Rural
Un total de 161 hectáreas queimadas, das cales 155 foron de monte raso e as 6 restantes de arborado, é o triste resultado do incendio forestal da parroquia de Castromil (A Mezquita). Este lume vén de ser extinguido ás 02,39 h. desta madrugada, segundo informa a Consellería do Medio Rural.
Este incendio comezaba ás 14:33h. da tarde de 3 de xaneiro con ata seis focos simultáneos e na súa extinción traballaron un total de 10 axentes, 13 brigadas, 5 motobombas, 2 avións e 1 helicóptero.
