Toda a superficie afectada polas chamas era de monte raso, segundo a Consellería do Medio Rural
O lume forestal rexistrado no concello ourensán de Chandrexa de Queixa, parroquia de Requeixo, deuse por extinguido ás 13:10 h. deste 5 de xaneiro, tal e como informa a Consellería do Medio Rural. Segundo as últimas estimacións, afectou unha superficie de arredor de 175 hectáreas, todas elas de monte raso.
Este incendio iniciábase no día de onte, 4 de xaneiro, ás 14:31 h. con dous focos simultáneos en zonas de difícil acceso e na súa extinción traballaron 5 axentes, 12 brigadas, 2 avións e 1 helicóptero.
Trátase do cuarto incendio que se rexistra na provincia de Ourense en apenas unha semana, tras dous no municipio de Viana do Bolo e outro no da Mezquita.