O dúo formado polo guitarrista Manuel de Oliveira e a cantante Cristiana Águas, foi o encargado de inaugurar a terceira edición do ciclo Sons da Terra, cun concerto de fado que tiña lugar no mosteiro de Santa Cristina de Ribas de Sil, na tarde do 9 de setembro.
O numeroso público que asistiu á actuación na igrexa do mosteiro, pudo desfrutar da calidade individual dos dous artistas “que brilla aínda máis na actuación conxunta”, explican dende a organización. Os temas mais destacados foron “Nicolinas” e “Elixir da alma”, de Manuel de Oliveira, e “Porque Nao” e “So porque nao sei nadar”, de Cristina Águas. Cabe destarcar a interpretación de Oliveira, tocando unha peza adicada á sua filla e outra a Paco de Lucía, composta con motivo do falecemento en 2014 do insigne guitarrista algecireño.
Ámbolos dous músicos afirmaron que para eles “a música é o elixir da alma, como dí a canción de Oliveira, que se vei sublimado nun lugar metido en pleno bosque e cunha acústica excelente”, dixeron, agradecidos de ter podido actuar en Santa Cristina.
A seguinte cita musical será o vindeiro sábado, 16 de setembro, coa participación de “Fuego Divino”, da man de Mu Mbana&Jesús Mañeru.
Fotos cedidas.