Publicidade
ConcellosÚltima hora

Falece o bispo emérito de Astorga, monseñor Camilo Lorenzo

Este ourensán foi bispo de Astorga entre os anos 1995 e 2015

Monseñor Camilo Lorenzo, bispo emérito de Astorga./ Foto cedida.

 

Na mañá este luns 13 de xullo falecía o bispo emérito de Astorga, monseñor Camilo Lorenzo, aos 79 anos de idade, despois de agravarse o seu estado de saúde nos últimos días.

Nacido en Porto do Souto – S. Mamede de Canda (Ourense) o 7 de agosto de 1940, realizou os estudios eclesiásticos no Seminario de Ourense entre 1954-1966. Cursou a Licenciatura en Ciencias Químicas pola Universidade de Santiago de Compostela entre 1966 e 1972.

Entre 1972 e 1995 foi profesor en el Seminario Menor de Ourense (1972-1995), ademais de vicario parroquial de Ntra. Sra. de Fátima de Ourense entre 1972 e 1983. Foi reitor do Seminario Menor de Ourense entre 1983-1992 e reitor do Seminario Maior entre 1992-1995. Ademais, foi membro do Colexio de Consultores.

O 14 de xuño de 1995 fíxose público o seu nomeamento como bispo de Astorga e o 30 de xullo dese mesmo ano foi consagrado na Catedral de Astorga. Estivo á fronte desta diócose (á que pertence á parte oriental da provincia de Ourense) durante dúas décadas. “A súa renuncia foi aceptada polo Santo Padre o 18 de novembro de 2015”, segundo informa a Diócese de Astorga.

A capela ardente de monseñor Camilo Lorenzo, instalada no Seminario de Astorga, estará aberta dende o martes 14 de xullo ás 10:30 h coas condicións de aforo establecidas. O seu funeral e posterior enierro, na Catedral, terá lugar o mércores 15 de xullo ás 12:00 h. Será enterrado na Capela daa Maxestade. O acceso ao templo será libre ata completar aforo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close