OurenseÚltima hora

Falece o ourensán Raúl Fernández, deputado socialista no Parlamento galego

Na tarde do 20 de xuño falecía Raúl Fernández, deputado ourensán no Parlamento de Galicia polo PSdeG-PSOE. Este parlamentario foi antes alcalde do seu municipio natal, Castrelo do Val, ademais de exercer como mestre na súa vila e noutras localidades galegas.

Os seus compañeiros no grupo parlamentario socialista emitían un comunicado no que amosaban “o seu máis sincero agarimo para acompañar á súa familia e amigos no momento máis difícil. Raúl foi un exemplo de honestidade, bo facer, traballo e dedicación ao longo de toda a súa traxectoria profesional e política, ademais de un compañeiro insubstituíble neste Grupo Parlamentario”.

 

 

Tamén o presidente do Parlamento de Galicia, Miguel Ángel Santalices, manifestaba nunha nota o seu pesar polo falecemento de Raúl Fernández Fernández, unha “persoa tolerante, sempre aberta ao diálogo, coa que era imposible levarse mal”.

O Parlamento de Galicia declarou loito oficial polo falecemento do deputado. Desde esta tarde, as bandeiras ondean a media hasta no Pazo do Hórreo en sinal de pesar.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close