OurenseÚltima hora

Falece o sindicalista Etelvino Blanco

A partir das 11 horas deste venres estará no tanatorio das Burgas e mañá sera incinerado, por expreso desexo da familia, na intimidade
Etelvino Blanco durante unha manifestación en Ourense./ Foto:Carlos G. Hervella.

 

O seu nome ten sido unha referencia na loita sindical nas últimas décadas na provincia de Ourense. Unha loita que enfiaba ademais dende o eido nacionalista a través da Confederación Intersindical Galega (CIG) e á que dicía adeus onte. O 11 de xullo falecía aos 64 anos Etelvino Blanco, “un loitador incansábel, sempre entregado á defensa dos dereitos das traballadoras e traballadores de Ourense, onde estivo á fronte do sindicalismo nacionalista, como secretario comarcal, até a súa xubilación, no ano 2017”, tal e como recordan os seus compañeiros da CIG, que tamén destacan o seu compromiso social.

A finais dos anos 70 tomaba parte nas folgas do sector de Construción e Madeira, “das primeiras que se producían en Ourense, e en conflitos tan duros tan duros como o de Citröen, a finais dos anos 80”, segundo a CIG, que agora amosa o seu pesar polo pasamento do seu compañeiro.

 

Tamén dende outros sindicatos como CCOO e entidades políticas como Esquerda Unida e a Plataforma Ourense Mellor, na que tivo a súa primeira experiencia na política municipal, tamén se teñen emitido notas de pésame. No caso desta última amosábanlle o seu agradecemento a Etelvino Blanco por “crer en nós, por agasallarnos cos teus últimos folgos. O teu sorriso e a túa mirada tenra eran suficiente arroupo para rachar co medo escénico nos primeiros mítins, nos que nos temblaban as pernas”.

A partir das 11:00 horas deste venres estará no tanatorio das Burgas e mañá sera incinerado, por expreso desexo da familia, na intimidade, segundo informa a CIG.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close