CulturaCulturaEn portadaÚltima hora

Falece o xornalista e escritor barquense José Antonio Gurriarán

Cunha dilatada traxectoria en diversos medios de comunicación, entre eles TVE, este valdeorrés falecía con 80 anos en Madrid

Malia que viviu a meirande parte da súa vida fóra de Valdeorras, era unha persoa moi querida e coñecida nesta comarca, á que volvía sempre que podía a descansar ou a preparar novos proxectos. O barquense José Antonio Gurriarán, un veterano xornalista barquense e escritor, falecía o domingo 31 de marzo aos 80 anos en Madrid.

Nacido en 1939 facía as súas primeiras incursións xornalísticas nos medios que daquela existían en Valdeorras, pero despois formábase en Periodismo e iniciaba unha intensa e destacada carreira en diversos medios, entre eles o diario Pueblo, etapa na que resultaba ferido nun atentado. Sucedía o 29 de decembro de 1980 en Madrid, unha data que marcaría en gran medida a súa vida. Traballou tamén para TVE, da que foi corresponsal en Lisboa durante moito tempo, e foi fundador da segunda cadea de Canal Sur. 

 

 

Escribiu diversos libros, entre eles o titulado “La bomba” (1982). A súa última obra foi ademais a única que escribiu en galego: “As Mulleres do Monte” (Galaxia, 2015). “Este libro era unha cuestión de obriga ética, é un libro da memoria”, aseguraba Gurriarán en outubro do 2015 na súa presentación no Barco. Foi ademais unha das súas últimas aparicións en público na súa vila natal.

 

Fotos: Carlos G. Hervella.

 

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close