Nun accidente de estrada que se producía en Vila Pouca de Aguiar, no norte de Portugal, perdía a vida un coñecido empresario barquense do sector cárnico, A.R. O sinistro tiña lugar arredor das sete da tarde (hora portuguesa) do venres 14 de maio no km 42 da autoestrada 24 (A24), no sentido Vila Pouca de Aguiar–Chaves. O coche saíase da estrada e chocaba cun panel de sinalización producíndose, seguidamente un incendio, quedando o condutor atrapado.
Cando os equipos de emerxencia chegaron, o vehículo xa estaba cuberto polas chamas, resultando falecido o seu ocupante, tal e como informa a prensa lusa.
A nova do seu falecemento causaba conmoción na vila barquense, xa que era unha persoa moi coñecida.