Na madrugada deste venres 8 de outubro producíase un accidente de tráfico en San Cibrado das Viñas, que se daldaba co falecemento do condutor dun vehículo que caía por unha ponte.
O aviso ao 112 Galicia chegaba a través dos axentes de Tráfico, que pedían axuda para auxiliar a un turismo que caera por un desnivel na N-525, ao redor do punto quilométrico 234. Desde ese intre os xestores do 112 puxeron os feitos en coñecemento do Servizo de Urxencias Sanitarias-061, dos Bombeiros de San Cibrao e dos membros do GES de Pereiro de Aguiar.
A vítima, atrapada no interior do vehículo envorcado e xa falecida, tiña que ser excarcerada.