Arredor das catro desta tarde producíase un accidente en Coedo (O Barco) no que resultaba falecido unha persoa ao envorcar o tractor que conducía, quedando atrapado debaixo do vehículo.
Ata o lugar do suceso dirixíanse de inmediato a Policía Local, os bombeiros do Grupo de Emerxencias Supramunicipal (GES) de Valdeorras, así como dúas ambulancias, os bombeiros do parque comarcal, e a Garda Civil, pero nada puideron facer pola persoa, de avanzada idade, que xa estaba falecida.
