Arredor das once da mañá deste domingo 4 de xullo unha persoa resultaba falecida tras caer dende a fiestra dun cuarto piso nun edificio da avenida Elena Quiroga en Viloira (O Barco).
Ata o lugar do suceso desprazábanse de inmediato os efectivos do 061 Urxencias Sanitarias e a Garda Civil. Sen embargo, nada puideron facer xa que a persoa resultaba falecida.
No intre de escribir esta información aínda permanece no lugar a Garda Civil, pendente de que se proceda ao levantamento do cadáver.
Segundo puido saber este medio de comunicación, a persoa falecida era un home de pouco máis de 40 anos, que vivía en Viloira pero era natural doutro pobo da comarca de Valdeorras.