A Consellería de Sanidade vén de notificar nesta tarde o falecemento nas últimas horas de 14 persoas que foran diagnosticadas de Covid-19. Unha delas falecía no Hospital Público de Valdeorras onte, 14 de xaneiro. Trátase dun home de 96 anos, que tiña patoloxías previas. Era veciño de San Xoán de Río. O hospital valdeorrés levaba dende finais de novembro sen rexistrar falecementos de pacientes con Covid.
Ademais, no resto de Galicia perdían a vida outras 14 persoas. Entre elas, unha muller de 77 anos e un home de 91 anos no Complexo Hospitalario Universitario da Coruña, un home de 64 anos, unha muller de 86 anos e un home de 84 anos (ambos procedentes da Residencia Paz y Bien de Tui) no Complexo Hospitalario Universitario de Vigo; un home de 69 anos no Complexo Hospitalario Universitario de Ferrol, un home de 76 anos no Complexo Hospitalario Universitario de Santiago.
Tamén falecían en centros residenciais: unha muller de 89 anos na Residencia San Bartolomeu de Xove, unha muller de 93 anos no Centro integrado CEGADI (procedía asilo de Ribadeo), unha muller de 97 anos e un home de 78 años, na Residencia DOMUSVI de Vimianzo, así como unha muller de 92 anos e un home de 78 anos na Residencia integrada CEGADI de Santiago (os dous procedían de residencia DOMUSVI de Ribeira).
Todas as persoas falecidas presentaban patoloxías previas.
