A Consellería de Sanidade vén de confirmar o falecemento nas últimas horas en Galicia de 7 persoas que foran diagnosticadas por coronavirus, dúas delas na provincia de Ourense. Trátase dun varón de 94 anos, que falecía no seu domicilio da Rúa, e dunha muller de 85 anos (procedente da Residencia Nosa Sra. dos Miragres de Barbadás) que estaba ingresada no Complexo Hospitalario Universitario de Ourense.
Ademais perdían a vida outras cinco persoas en Galicia: unha muller de 90 anos (procedía da Residencia As Fragas de Pontedeume), unha muller de 89 anos (que procedía da Residencia As Virtudes de Pontedeume) e unha muller de 97 anos (procedía da Residencia San José de Narón) que estaban ingresadas no Complexo Hospitalario Universitario de Ferrol; unha muller de 95 anos (procedía da Residencia DomusVI de Ribadumia) no Hospital do Salnés e un home de 93 anos ingresado no Hospital Universitario Lucus Augusti (procedía vivenda comunitaria Remanso de Paz da Fonsagrada). Todos eles tiñan patoloxías previas, segundo Sanidade.
