A pandemia de coronavirus segue deixando tristes novas. A Consellería de Sanidade vén de notificar o rexistro nas últimas horas de 4 novos falecementos na Área Sanitaria de Ourense, Verín e O Barco de Valdeorras.
Trátade de dous homes que estaban ingresados no Hospital Público de Verín, un de 80 anos e outro de 88 anos, ambos procedían da Residencia Val de Monterrei. E outras dúas persoas que estaban en centros residenciais: unha muller de 89 anos na residencia de maiores Os Gozos no Pereiro de Aguiar; e un home de 88 anos na residencia de maiores Val de Monterrei.
Tal como puntualizan dende Sanidade todos eles presentaban patoloxías previas.
