A comunidade galega vén de rexistrar nas últimas horas outros 11 falecementos de persoas infectadas con coronavirus, delas dúas estaban ingresadas no Complexo Hospitalario Universitario de Ourense (CHUO). Tratábase de unha muller e un varón de 85 e 88 anos, respectivamente, segundo informa a Consellería de Sanidade.
Ademais, falecían catro varóns (de 79, 70, 78 e 90 anos) ingresados no Hospital Álvaro Cunqueiro de Vigo; dous pacientes de 92 e 86 ingresados no Complexo Hospitalario Universitario da Coruña (CHUAC), un varón de 86 anos no Hospital Virxe da Xunqueira de Cee e dous homes de 71 e 91 anos ingresados no Hospital Universitario Lucus Augusti de Lugo (HULA).