OurenseÚltima hora

Fantasía, luz e cor na gran Cabalgata de Reis da cidade de Ourense

 

Tal como estaba previsto, a pesares do Covid e da chuvia, na tarde deste mércores 5 de xaneiro chegaban os Reis á cidade de Ourense.  E facíano como manda a tradición, a lombos de tres camellos.

A Cabalgata real (que era retransmitida por streaming) saía ás 18 horas da estación da Ponte (por primeira vez os Reis Magos chegaban no AVE) e tras avanzar pola avenida das Caldas percorría toda a rúa do Progreso ata rematar no Xardín do Posío. Así, esta tradicional cita do Nadal recuperaba neste 2022 o seu tradicional formato dinámico, percorrendo a cidade, aínda que incorporaba cambios no seu percorrido para adaptarse mellor ás circunstancias derivadas da pandemia do Covid-19.

De feito non houbo a tradicional recepción na praza Maior pero no desfile non faltaron espectaculares carrozas cheas de cor e luz, nin tampouco a música animando o seu paso, mantendo sempre as distancias de seguridade requiridas pola pandemia, así como o uso de mascarilla.

 

Artigos relacionados

Back to top button