En portadaGalerías de fotosÚltima hora

A fariña cubre Xinzo dando a benvida ao Entroido

O Domingo Fareleiro marca o inicio dun mes de festexos que rematará o 18 de febreiro (Piñata)

O Petardazo, ao ritmo das charangas, abría na medianoite do 21 de xaneiro o programa do Entroido 2018 en Xinzo de Limia. O ciclo máis longo desta festa que non rematará ata o domingo 18 de febreiro coa Piñata. E entre medias, catro domingos que nesta localidade ourensá cobran un significado especial.

O primeiro, o Fareleiro, tiña lugar na tarde de onte, 21 de xaneiro, no entorno da praza Maior. En torno ás 16:30h, procedíase ao reparto de fariña e a partires das cinco a vila enteira converteríase nunha auténtica batalla campal co branco como protagonista. Centos de nenos, xoves e maiores, desfrutaron dunha tarde de festa onde ninguén podía nin debía quedar inmaculado. Sempre hai quen o intenta pero é un combate perdido de antemán. O Domingo Fareleiro manda a fariña.

A seguinte cita do Entroido en Xinzo será o Colgamento do Meco o sábado 27 de xaneiro “entre lusco e fusco”. Ao día seguinte, Domingo Oleiro tocaralle o turno ao xogo das olas.

Máis información na Revista do Entroido en Galicia 2018 do Periódico O Sil.
Fotos: Carlos G. Hervella

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close