Trala estrea en Madrid no mes de agosto, a obra de teatro Todas las mujeres de Daniel Veronese chega este sábado 6 de outubro á cidade de Ourense.
Os actores Fele Martínez e Mónica Regueiro regresan aos escenarios con esta adaptación teatral da película de Mariano Barroso que gañou en 2014 un Goya por Mellor Guión Adaptado, dirixida nesta ocasión polo dramaturgo Daniel Veronese.
Todas las mujeres conta a historia de Nacho (Fele Martínez), un veterinario que nun momento da súa vida enfrontáse ás mulleres que por diferentes motivos tiveron un papel importante para el e coas que ten contas pendentes: a súa amante, a súa nai, a súa psicóloga, a súa ex novia e a súa cuñada Carmen (Mónica Regueiro).
Completan o elenco: Lucía Barrado como Ona, Nura González como Marga, Lola Casamayor como Amparo e Cristina Plazas como Andrea.
A representación será ás 20h. no Teatro Principal.
