Un home resultaba ferido esta tarde ao caer do tractor co que estaba recollendo pólas nunha leira situada en Telleiros, no termo municipal lucense de Sober, tal e como indica o 112 Galicia.
“Foi unha persoa particular quen contactou co 112 Galicia ao fío das sete para alertar do accidente e, decontado, o persoal do CIAE 112 Galicia pasou o aviso a Urxencias Sanitarias de Galicia-061, á Garda Civil, aos Bombeiros de Monforte de Lemos e á Agrupación de Voluntarios de Protección Civil de Sober”, informa o 112 Galicia.
