Rozando as 18h. desta tarde producíase un accidente de tráfico na estrada que comunica Sobrado (Trives) con Manzaneda, en concreto á saída de Sobrado. Segundo as primeiras informacións, unha moto saíse da vía e o seu condutor resultaba ferido. Ata o lugar se trasladaban de inmediato unha ambulancia do 061 de Trives, así como membros da agrupación de Protección Civil de Trives e a Garda Civil de Tráfico.
O ferido, un veciño de Manzaneda, era traslado de inmediato ao PAC de Trives, para recibir atención sanitaria. Dende alí vén de ser derivado ao Hospital Valdeorras, no Barco.