Numerosas persoas se achegaban a partires das oito da tarde do 10 de xuño á praza Maior do Barco para sumarse á primeira edición da Festa Casco Vello, promovida polos hostaleiros desta zona da vila. Ademais de poder degustar a comida e a bebida nas diferentes casetas instaladas na praza, o ambiente estaba animado pola música do grupo tradicional Os Bertolini.
Ao redor das once, cambiaba por completo o estilo musical e dábase paso, xa no escenario montado na mesma praza, á Banda de Mazinger que facía un repaso de coñecidos temas dos anos 80, coreados e bailados polos numerosos asistentes. A noite pecharase coa actuación do grupo Riff Raff a partires da medianoite.
Fotos: A.R.