Empanada de bonito, pulpo con patacas, pan, bebida, postre e café. Será o menú da I Fesa do pulpo que se celebrará o vindeiro sábado 26 de marzo ás 14h. no recinto das piscinas de Vilamartín de Valdeorras.
Tal como adiantan dende Seindra, Servicios y Mantenimientos (organizadora do evento), só se poderá acceder con entrada anticipada e reservas feitas nos teléfonos 636 74 53 26 e 698 14 39 42, ou no correo electrónico seindra@hotmail.com.
O prezo das entradas é de 15 euros e xa están á venda na Oficina Seindra (Manuel Quiroga, 70) do Barco, no Bravo Lux da Rúa e no café-bar Santos de Vilamartín.
Ademais do xantar, a festa inclúe a actuación musical dun dúo e o sorteo dunha fin de semana para dúas persoas na estación de montaña Oca Nova Manzaneda.