Vilela, no termo municipal da Rúa é outro dos pobos galegos que teñen na Virxe do Carme á súa patrona. E na súa honra celebrarán cinco días de festa que arrancarán o mércores 16 de xullo, día do Carme, e non rematarán ata o domingo 20.
Un pasarrúas a cargo da charanga Nova Terra de Trives anunciará o comezo dos festexos o día 16, con procesión e misa solemne a partires das 12:30h. e baile no campo da festa pola tarde coa mesma charanga.
De aí ata o domingo, cada día haberá un dúo para amenizar o baile en sesión de tarde e verbena, reservando para o sábado 19 de xullo, a VII Xuntanza Popular Virxe do Carme. Será a partires das 20h. e haberá pulpo con cachelos, bica, viño, auga e licores. Ese día de novo un dúo amenizará o baile.
Os actos rematarán o domingo 20 de xullo cunha misa solemne a partires das 13h. e baile pola tarde no campo da festa.
Foto: Mónica G. Bellver
