Festas en Santa María de Abeleda

Esta localidade da Ribeira Sacra ourensá celebrará con moita música, actos relixiosos e competicións os seus festexos do 13 ao 15 de agosto

Cartel das festas de Santa María de Abeleda.

Co son da orquestra Aché comezarán o vindeiro 13 de agosto as festas en Santa María de Abeleda (A Teixeira). Será a partires das 21h. Ao día seguinte, 14 de agosto, ás 17h. haberá actividades e xogos para os cativos e, media hora despois, un campionato de tute. Pola noite volverá o ritmo dunha orquestra, desta volta a Metrópolis, que actuará ata as 22h. Á medianoite, ás 00:30h., terá lugar a lectura do pregón a cargo da presentadora de “Aquí Galicia” Lucía Rodríguez. Xa á unha da madrugada haberá unha tirada de fogos artificiais e despois verbena a cargo da Metrópolis.

Xa na xornada do 15 de agosto, ás 10h. poderá desfrutarse dun pasarrúas coa charanga Castro Bello e ás 13h. misa e procesión acompañada pola mesma charanga, que tamén lle porá son á sesión vermú ás 13:45h. e que novamente actuará pola tarde ás 17h. Tamén ás 17h. principiarán as Olimpíadas Rurais con lanzamento de sacho, carreira de carretillos, carreira de sacos…

Ás 20h. actuará a disco móbil Impacto e entre ás 21h Marc Alonso (dos Recanteiros do Luar), tamén o seu cargo estará a verbena.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies