ConcellosÚltima hora

Festas patronais na Pobra de Trives

O Cristo, os días 13 e 14 e a Dolorosa, os días 17 e 18: dúas citas de referencia no mes de setembro
Procesión do Cristo o 14 de setembro polas rúas da Pobra de Trives. /Foto: Carlos G. Hervella.
Procesión do Cristo o 14 de setembro polas rúas da Pobra de Trives. /Foto: Carlos G. Hervella.

Despois dun breve paréntese trala festas de San Bartolo no mes de agosto, A Pobra de Trives celebra as festas patronais, nas que comparten protagonismo dúas figuras relixiosas: O Cristo e a Dolorosa.

Os cultos na honra ao Santísimo Cristo comezaban xa o día 5 de setembro coa novena que inclúe confesións, rosario, novena e misa, tódolos días ata mañá 14 de setembro con confesións na igrexa parrroquial de 9 a 12 horas. Ás 10 horas celebrarase unha eucaristía e ás 12 comezará a solemne procesión co Santísimo polas rúas da vila. O apartado musical das festas do Cristo correrá por conta de catro agrupacións. A charanga local Terras do Bibei era a encargada do pasarrúas pola mañá do martes día 13 setembro. Pola tarde, o baile estará amenizado pola orquestra Player’s que actuará en sesión de tarde e tamén verbena. Mañá, día 14, a Banda de Música Municipal de Xinzo de Limia dará o pasarrrúas pola mañá e un concerto pola tarde. A orquestra Trébol a encargada de facer bailar aos asistentes ao son de cumbias, bachatas e pasodobres, emprazando a veciños e visitantes á seguinte cita festiva que terá lugar na fin de semana.

Os cultos na honra á Dolorosa, a outra protagonista do mes de setembro en Trives, comezarán o mesmo día 14 co septenario que se estenderá ata o día 20. Durante eses días, de 9 a 10:30 horas haberá confesións e misa na igrexa parroquial. Pola tarde, de 19 a 20:45 horas haberá de novo confesións, rosario, a oración do septenario e misa. O acto central na honra á Virxe das Dores celebrarase o domingo 18 de setembro. Ese día, de 9 a 12 horas haberá confesións na igrexa e ás 10 horas celebrarase unha misa. A eucaristía solemne comezará ás 12:30 horas, seguida pola multitudinaria procesión que levará á imaxe da Dolorosa por toda a vila. Igual que no caso do Cristo, tamén haberá música para amenizar a festa da Virxe. A charanga Nova Terras de Trives fará o pasarrúas o día 17. Pola tarde o escenario da festa estará tomado pola orquestra Gran Casino que porá o broche musical á xornada actuando pola tarde e tamén pola noite ata altas horas da madrugada. O domingo, o pasarrúas e concerto correra por conta da Banda de Música de Ramirás mentres que o baile virá da man da orquestra Compostela.

Máis información na edición en papel do Periódico O Sil.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close