EconomíaEconomíaÚltima hora

Fin de semana micolóxica en Trives

A vila acollerá dúas actividades promovidas polo Club Montaña Trives: o I Concurso Tapa Micolóxica e unhas xornadas sobre cogomelos
Cesta de cogomelos./ Foto: Carlos G. Hervella.
Cesta de cogomelos./ Foto: Carlos G. Hervella.

Os cogomelos serán unha referencia do 30 de outubro ao 1 de novembro en Trives. Esta localidade do oriente ourensán celebrará o neses días o I Concurso Tapa Micolóxica, unha iniciativa impulsada dende o Club Montaña Trives. Nela participarán trece establecementos de hostalaría triveses con cadansúa tapa: San Martín, O Cafeto, Quintela, O Pilón, La Viuda, Toral, Cantina do Catro, Boliche, Manolos, Sky, O Bodegón, Ardora e Casanova. Poderán ser degustadas (a un prezo de 1,50 euros) e valoradas polo público, que emitirá a súa opinión a través das papeletas das que disporán os locais participantes, e que para ser válidas deberán contar co selo do establecemento.

“O xurado popular elixirá a mellor tapa presentada, deixando a mesma reflexada na papeleta. Os tres máis votados serán os ganadores do concurso” e recibirán unha placa acreditativa, tal e como se indica nas bases do certame. O reconto de votos farase o domingo 1 de novembro ás 16h. na Oficina de Turismo da praza do Reloxo. Ademais os participantes neste percorrido de tapas micolóxicas que teñan selado a súa papeleta en alomenos catro locais terán opción a participar nun sorteo de agasallos. Farase o mesmo día 1 de novembro ás 17h. Entre os agasallos do sorteo haberá un libro de micoloxía, un estuche de viño “Chao do Couso”, unha tarta de castañas e unha cea para dúas persoas na “Cantina do Catro”.

Por outra banda, do 31 de outubro ao 1 de novembro en Trives celebraranse as XVI Xornadas Micolóxicas, tamén organizadas polo Club Montaña Trives. O seu programa principiará o sábado día 31 ás 9:30h. cunha charla no Auditorio Julio Vázquez de Trives coa presenza de catro micólogos ourensáns, ás 11h. darase paso á práctica micolóxica cunha saída ao campo para recoller cogomelos. A organización aconsella levar cesta, navalla e roupa impermeable.

Xa pola tarde (entre as 16:30h. e as 18h.) os fungos recollidos serán identificados e clasificados na praza do Reloxio. E xa pola noite, ás 21:30h. terá lugar unha cea menú a base de cogomelos no Hostal La Viuda. Ademais, ao longo da xornada do domingo 1 de novembro poderá visitarse (de 10h. a 13:30h. e de 16:30h. a 20h.) unha exposición de cogomelos.

A inscrición para a charla e a recollida de fungos é gratuíta, pero aquelas persoas interesadas en participar na cea deberán abonar 20 euros no caso de ser socios do Club Montaña Trives ou ben 25 euros e non o son. A inscrición na cea pode facerse a través do correo club.montana.trives@gmail.com ou na oficina de Turismo de Trives. A data límite para facelo será o 26 de outubro.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close