O Boletín Oficial do Estado (BOE) publicaba o pasado sábado 9 de abril un anuncio de formalización de contratos da Dirección General de Carreteras para a rehabilitación do firme de varios puntos das estradas N-120 e N-536 ao seu paso pola provincia de Ourense. En concreto estas obras incluirán actuacións no firme dos puntos quilométricos 438+300 e 472+800 da N-120 e nos 33+800 e 51+960 da N-536.
A empresa que realizará a obra será Construcciones Taboada y Ramos SL e o orzamento base de licitación supón un importe total de 241.997,60 euros.
