La Baña (La Cabrera) e Fonte da Cova en Trevinca (Carballeda de Valdeorras). Son o punto de saída e meta da Subida de La Pizarra, a cuarta proba automobilística do Campionato de Castela e León de Montaña 2019, que a Escudería Médula Sport preparou para este sábado 3 de agosto.
A proba, que este ano celebra a III edición, espera atraer o interese dos afeccionados das veciñas comarcas de Valdeorras, O Bierzo ou Maragatería e nela daranse os mellores pilotos do certame autonómico de Montaña que pelexarán por facerse un oco no alto da clasificación xeral.
O peche da estrada producirase o sábado ás dúas da tarde. Para as 16h. está prevista a manga de adestramentos comezando a 1ª subida oficial ás 18h. e a 2ª ás 19h. A entrega de premios será a partir das nove da noite.