Sen música, sen cea e sen procesión. A festa na honra a San Antón na parroquia ruesa de Fontei celebrarase este ano sen ningún tipo de festexo, tamén a consecuencia da crise do coronavirus.
Así o confirmaban dende a comisión de festas, encargada cada ano de organizar o programa lúdico que arranca coa cea popular e inclúe moita música a cargo de dúos, orquestras e a Escola de Baile e Música Tradicional Abertal, asegurando que este ano unicamente se celebrarán os cultos relixiosos, e non todos.
Na tarde de mañá, 4 de xuño, comezará a novena que se celebrará todos os días ás 20:30h. cumprindo coas normas de aforo e hixiene. A mesmas que deberán seguirse o día de San Antón, sábado 13 de xuño, na eucaristía que se celebrará na honra ao santo. A hora non está confirmada pero será entre ás 12 e as 12:30h. e será sen procesión co cal a imaxe de San Antón non saíra este ano polas rúas de Fontei precedida das mozas coas roscas casamenteiras que máis tarde se venden na praza.