Representantes de Entroidos galegos declarados como Festas de Interese Turístico participaban na mañá do 9 de setembro en Santiago nun desfile promocional desta celebración de inverno. Eran máis de 300 as persoas as que formaban parte da comitiva, coa participación dos potentes e engaiolantes Folións de Manzaneda (coas súas vistosas Mázcaras), de Viana do Bolo e Vilariño de Conso (cos seus Boeiros), as Pantallas de Xinzo de Limia e os Cigarróns de Verín.
Tamén podía verse o Entroido de Cobres, especial pola súa elegancia coas súas Madamas e Galáns, así como o dos Xenerais da Ulla. Como convidados nesta edición participaban o Entroido Ribeirao, cos Volantes de Santiago de Arriba (Chantada) e o ourensán das Bonitas de Sande, coas figuras da Vaca e do Oso que protagonizan os seus días grandes.
Nesta galería de fotos poden verse imaxes do Folión e as Mázcaras de Manzaneda e do Entroido Ribeirao.
Máis información e fotos:
https://osil.info/toque-folion-de-vilarino-polas-ruas-de-santiago/