“Fronteiras de enerxía animal (I)”, de Plácido Romero e Aser Álvarez, premiado nos Ánxeles

O documental “Fronteiras de enerxía animal (I)”, de Plácido Romero e Aser Álvarez para a productora de Celanova Arraianos Producións, vén de acadar un novo recoñecemento a nivel internacional. O xurado da segunda edición do StarDocInternational Film Festival, que se celebrou no Ánxeles (EE.UU.), decidiu premialo na categoría “Natureza e Animais”.

En “Fronteiras de enerxía animal (I)” abórdase como as diversas variantes de enerxía animal foron decisivas para supervivencia dos habitantes, da Raiaseca do Leboreiro. A integración deles, en orixinais e particulares formas de ocupar un territorio, por veces hostil, por outras amable e aventureiro, non terían sido posibles sen a sua valiosísima axuda. A nova realidade está facendo xurdir novos rumbos, en consonancia con tecnoloxías modernas e coa satisfacción de necesidades sociais e terapéuticas. A inspiración nunha tradición a piques de desaparecer e a incorporación de novos comportamentos éticos, dignifican, humanizan e espiritualizan as súas funcións coas que interveñen para que esas terras sigan producindo situacións e historias do mellor realismo máxico.

O documental suma así un novo recoñecemento que se engade a outros acadados a nivel nacional polo microdocumental “Traballo animal”, o primeiro dos directores que segue esta temática. Entre eles, destacar o premio especial do xurado no Festival de Documentais Etnográficos organizado pola Fundación Carmen Arnau, de Toledo ou o premio no Festival Nacional de Cine sobre Biodiversidade.

 

Portada do documental.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies