En portadaÚltima hora

Froxán celebrará a Pisa da Castaña Seca o 10 de decembro

O pregón desta edición, previsto para as 13:15h., correrá a cargo da actriz galega Susana Dans
Demostración de abandoxado tradicional na Pisa da Castaña Seca de Froxán (Folgoso do Courel)./ Foto: Carlos G. Hervella.
Demostración de abandoxado tradicional na Pisa da Castaña Seca de Froxán (Folgoso do Courel)./ Foto: Carlos G. Hervella.

Dende hai xa 18 anos Froxán (Folgoso do Courel) recupera e celebra cada mes de decembro un labor tradicional vencellado a un froito que reina no outono na Galicia interior. É a Pisa da Castaña Seca, unha festa organizada pola Asociación Fonte do Milagro e que congrega a multitude de persoas.

Desta volta a cita será o 10 de decembro cun programa moi similar ao de edicións anteriores. Comezarase co acendido do sequeiro ás 11:30h. Unha hora despois darase paso á demostración de pisa e de abandoxado da castaña seca, un dos momentos máis agardados. En torno á unha e cuarto procederase á lectura do pregón, que correrá a cargo da actriz galega Susana Dans, e despois presentarase os libros “O Apalpador e o Arco da Vella” de Xan G. e o “Libro do Courel” de Sonia García.

A partir poderá saborearse o xantar “do pisador”, cun prezo de 10 euros. O seu menú inclúe castañas, produtos do porco e doces de castañas. Pola tarde retomaranse as demostracións de pisado e abandoxado, abertas xa á participación do público, e haberá foliada. Ao longo de todo o día estará instalada en Froxán unha mostra de artesanía e non faltará a música.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close