En portadaGalerías de fotosÚltima hora

“Fulión” e teatro en verso en San Martiño (Manzaneda)

A parroquia celebraba a súa tradicional fuliada na tarde do 3 de marzo

Cunha ronda de máis de tres horas pola parroquia comezaba na tarde do Domingo Gordo a Fuliada de San Martiño (Manzaneda). O folión, precedido polas danzas Mázcaras partía arredor das tres da tarde dende Cimadevila e remataba rozando as oito da noite o traxecto na Corredoira, xunto á nave da Cooperativa Amarelante.

Deseguido, cesaba o intenso toque de bombos, cornas e sachos para dar paso a un singular teatro en verso cun marcado tono satírico, no que non faltaban as disputas de namorados, as parodias de todo tipo e tampouco as versión de cancións en clave de humor.

Esta Fuliada foi organizada polo Fulión de Pombariños en colaboración co Concello de Manzaneda e con Amarelante S.C.G. Durante o percorrido tamén se contaba co apoio de Protección Civil de Manzaneda.

Fotos: Ángeles Rodríguez

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close