A Catedral de Ourense acollerá o vindeiro sábado 20 de xuño un funeral polos falecidos na etapa do confinamento polo Covid-19. Terá lugar ás 11:30 h. e será celebrado polo Bispo de Ourense, Monseñor Lemos Montanet, acompañado do Cabildo e o clero diocesano. Lembrarase aos sacerdotes, persoas de vida consagradas, familiares de persoal da Curia diocesana e todos os fieis falecidos en diversas circunstancias.
A celebración realizarase respectando as condicións de aforo e demais medidas que as autoridades sanitarias esixen. Así, de maneira especial lembrarase neste día aos sacerdotes e membros de Vida Consagrada falecidos na etapa máis intensa de confinamento e polos que non se puido celebrar o funeral no seu momento: os sacerdotes D. José Rodríguez Gallego, quen foi Vicario para Asuntos económicos da Diocese, Pai Cesar Maside Nóvoa, CM, quen foi Delegado Episcopal para a Vida
Consagrada da Diocese e o Pai José María López Maside, CM e os membros de Vida Consagrada Dna Teresa e Dna. Rosa Mari (Alianza de Jesús por María), Nai Florentina (Serva de San Xosé), Irmá Mercedes e Irmá Pilar (Relixiosas do Divino Maestro).
