En portadaGalerías de fotosÚltima hora

Fusión de godello e música na III Velada dos Sentidos en Xagoaza

Unhas 160 persoas desfrutaban desta proposta, que se prolongaba ata a madrugada e que incluía degustacións e un concerto de Mr. Cool nos xardíns da adega barquense Godeval

Cunha copa de godello comezaba a III Velada dos Sentidos que na tarde e noite do 6 de xullo promovía Godeval en Xagoaza (O Barco). Deste xeito recibía a cada un dos participantes a organización. A partir de aí os asistentes íanse situando nas diferentes mesas do xardín para compartir viños desta adega, conversa e diversas propostas gastronómicas tanto quentes (preparadas de diferente xeito), como frías, ambas elaboradas polo restaurante barquense Il Piacere.

 

Arredor das dez e media da noite comezaba a soar a música de Mr. Cool que, coa súa voz e guitarra primeiro, e despois acompañado por unha banda, e intercalando diferentes instrumentos; despregaba un longo e variado repertorio no que repasaba temas ben coñecidos de épocas pasadas tanto en castelán, como en inglés e mesmo en italiano e ruso, cos que convidaba a bailar e mesmo a cantar ao público.

 

 

Non faltaban tampouco, a modo de sobremesa, as filloas doces recheas, e a coctelería realizada polo prestixioso cocteleiro Diego Mosquera, con propostas como o “Basilicum”, “Godeval Fizz” ou o “Mojito de café”. Cada un destes cócteles tiña entre os seus ingredientes augardentes ou licores de Godeval. Esta exitosa terceira Velada nos Sentidos, que congregaba a unhas 160 persoas, prolongábase ata a madrugada.

 

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close