O gran éxito da primeira edición da Gran festa do fútbol sala celebrada o ano pasado en San Xoán de Río traspasou o límite municipal e nesta segunda edición, 6 colectivos sociais e 3 concellos, pretender encher as Terras de Trives de fútbol sala e solidariedade neste Nadal.
A AC Río Mola do concello de San Xoán de Río, a Sporting de Manzaneda e AC A Rebusca do concello de Manzaneda e CD Trives, Club Montaña Trives e Disco/Pub Curvi do concello da Pobra de Trives, xunto cos 3 concellos, veñen de xuntar forzas e programar 3 días de fútbol sala e solidariedade.
A proposta deste ano é un Torneo Solidario de Fútbol Sala o 28, 29 e 30 de decembro no polideportivo de Trives, onde cada equipo para inscribirse debe aportar 20 kgs de alimentos non perecedeiros. 3 categorías, absoluta, femenina e infantil (menores de 13 anos) desputarán as rondas previas e semifinais o venres 28 e sábado 29.
O domingo 30 celebrarase a II Gran Festa do Fútbol, onde cada persoa para acceder o pavillón de Trives deberá aportar 1 kg de alimentos non perecedoiros. Por cada kilogramo entregado, os espectadores recibirán unha rifa para o sorteo de múltiples premios donados por Clubes de Fútbol, Federacións e Empresas. Ese domingo celebraranse as finais de todas as categorías de fútbol sala ademáis dalgún partido sorpresa.
Os equipos poden inscribirse ata o domingo 23 de Decembro e acordaranse entre os equipos anotados os horarios do torneo.
Todos os alimentos que se obteñan neste torneo solidario serán entregados as familias con dificultades económicas dos 3 concellos con prioridade para as que teñan nenos, para que este ano o inverno sexa menos crudo para eles.
Texto: Xosé Miguel Pérez Blecua.
Foto cedida pola A.C. RíoMola.
