OurenseÚltima hora

Gala músico-literaria das Letras Galegas en Verín

Terá lugar ás 19h. do 17 de maio no auditorio e nela entregaranse os galardóns do Certame de Poesía Xosé Carlos Caneiro Pérez e do Certame de Relato Curto Antonio Fernández Pérez, convocados polo Concello
Imaxe da gala das Letras Galegas de Verín do 2018./ Foto: Concello de Verín.

 

O Certame de Poesía Xosé Carlos Caneiro Pérez e o Certame de Relato Curto Antonio Fernández Pérez terán como finalistas nesta edición a 48 alumnos de sete centros educativos da comarca de Verín. Están iniciativas están promovidas polo Concello de Verín con motivo do Día das Letras Galegas. Os certames contan, un ano máis, coa colaboración de Gadis.

Os seus premios entregaranse o 17 de maio, como xa vén sendo habitual nas últimas décadas, cunha gala músico-literaria na que se recitarán os poemas gañadores do Certame de Poesía Xosé Carlos Caneiro Pérez e se lerán as narracións premiadas no Certame de Relato Curto Antonio Fernández Pérez. O ámbito musical da gala, que se celebrará ás sete da tarde no Auditorio Municipal do Centro das Artes Escénicas de Verín, corre a cargo da Banda do Conservatorio de Música de Verín.

No acto entregaranse premios de 90 euros (primeiros), 60 euros (segundos) e 30 euros aos terceiros clasificados en cada unha das tres modalidades dos dous certames literarios. Os premios en metálico están financiados integramente polo Concello de Verín, institución organizadora. A todos os finalistas entregaráselle un diploma e un lote de libros, financiados polo Concello de Verín e Supermercados Gadis.

Os centros participantes este ano no Certame de Relato Curto Antonio Fernández Pérez e no Certame de Poesía Xosé Carlos Caneiro Pérez foron, na modalidade de 5º e 6º de Primaria, o CEIP Amaro Refojo, o CEIP Princesa de España e o Colexio Plurilingüe María Inmaculada. O IES Castro de Baronceli, o IES Xesús Taboada Chivite, o Colexio Plurilingüe María Inmaculada e o Colexio Apostólico Mercedario participaron nas modalidades de ESO.

 

 

O proceso de selección dos traballos presentados comezou nos centros participantes. Cada un dos colexios e institutos participantes escolleu, en cada unha das dúas modalidades, un máximo de tres traballos en cada un dos tres niveis (Primaria,1º e 2º de ESO e 3º e 4º de ESO) .

Á fase final dos certames chegaron un total de 48 persoas. No Certame de Relato Curto Antonio Fernández Pérez pasaron un total de 22 narracións, 7 en Primaria, 7 en 1º e 2º de ESO, e 8 en 3º e 4º de ESO. Finalistas do Certame de Poesía Xosé Carlos Caneiro foron 26 os poemas finalistas, 9 de Primaria, 8 de 1º e 2º de ESO, e 9 en 3º e 4º de ESO.

Actividade dedicada a Antonio Fraguas na Biblioteca de Verín

 A Biblioteca de Verín ofrecerá o día 15 de maio, ás 19:30 horas, unha conferencia dedicada a figura de Antonio Fraguas, a quen se lle dedica o día das Letras Galegas 2019. Esta actividade temática que leva por nome “Antonio Fraguas: Un home do seu tempo”, será   impartida por Francisco Fariña Busto, arqueólogo, director do Museo Arqueolóxico de Ourense e membro do Instituto Padre Sarmiento de Estudos Galegos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close