SanidadeÚltima hora

Galicia rexistra 135 positivos de coronavirus, deles 15 na área de Ourense, e o primeiro falecido en Vigo

Imaxe da rolda de prensa do conselleiro de Sanidade.

 

A Consellería de Sanidade vén de confirmar esta mañá de 14 de marzo o falecemento dunha muller de 92 anos, con múltiple patoloxía, que se atopaba ingresada no Hospital Povisa de Vigo, e que dera positivo na proba de coronavirus. Tratábase dun caso importado. Así o confirmaba o conselleiro de Sanidade, na rolda de prensa que ofrecía a partires das 11:30h. deste sábado, na que estaba acompañado por Antonio Fernández Campa, xefe do Sergas, e Teresa Queiro, xefa de Medicina Preventiva do Complexo Hospitalario de Santiago.

Nesta comparencia tamén actualizaban os datos en canto a positivos en Galicia. Así ás 11:30h. Galicia rexistraba 135 pacientes activos en diferentes situacións. Deles, 7 pacientes están en UCI e 27 en unidades de hospitalización. Así o 75% dos positivos, un total de 101, están en atención domiciliaria, segundo detallaba Fernández Campa.

Por áreas sanitarias, Ourense ten 15 casos, Lugo 7, 55 A Coruña, 5 Ferrol, 17 Santiago, 13 Pontevedra e 23 Vigo. “A situación de Galicia segue sendo mellor que a do resto do Estado, pero seguen evolucionando os casos”, sinalaba o conselleiro.

“Estamos nunha fase fundamental que é o illamento social, hai que tratar evitar en zonas con moita xente. Isto vai determinar no futuro como se vai comportar a epidemia. Por iso facemos un chamamento á poboación, tanto á que vén a Galicia como á galega, a respectar ese illamento social. Cumprir iso vai facer que a epidemia sexa máis suave”, sinalaba o conselleiro.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close