Mantense a tendencia ascendente nos positivos de coronavirus en Galicia. Segundo a última actualización de datos feita pública pola Dirección Xeral de Saúde Pública da Consellería de Sanidade, o número de casos de na comunidade ascende a 2.211, deles 552 son da área sanitaria da Coruña, 140 da de Lugo, 302 da de Ourense (por agora non se facilitaron os datos por hospitais), 260 da de Pontevedra, 509 da área de Vigo, 388 da de Santiago, e 60 da de Ferrol.
Do total de pacientes positivos, 98 permanecen en UCI, 556 están en unidades de hospitalización e 1.557 no domicilio, segundo Sanidade. Polo de agora, en Galicia rexistráronse 67 altas de pacientes e 44 falecementos. O último falecemento corresponde a un varón de 90 anos, que estaba ingresado no Hospital Montecelo de Pontevedra, e que tiña patoloxías previas.
O número de PCR realizadas é de 10.520.
