Os casos de coronavirus en Galicia ascenden a 2.627, segundo a última actualización feita pública pola Dirección Xeral de Saúde Pública da Consellería de Sanidade. Dese total, 597 son da área da Coruña, 219 da de Lugo, 371 da de Ourense, 290 da de Pontevedra, 633 da área de Vigo, 454 da de Santiago, e 63 da de Ferrol.
Do conxunto de pacientes positivos, 110 permanecen en UCI, 652 están en unidades de hospitalización e 1.865 no domicilio. Polo de agora, en Galicia rexistráronse 95 altas de pacientes e 50 falecementos.
O número de PCR realizadas é de 12.885.