OurenseÚltima hora

A Galiciencia 2016 espera a visita de máis de 2.000 escolares de toda Galicia

A feira científica exporá 75 proxectos do 16 ao 18 de novembro na Tecnópole (Ourense)
Imaxe da Galiciencia 2015.
Imaxe da Galiciencia 2015.

No recinto de Parque Tecnolóxico de Galicia-Tecnópole, en San Cibrao das Viñas (Ourense) está xa todo preparado para celebrar a 11ª edición de Galiciencia, a maior feira científica de Galicia que abrirá as portas do 16 ao 18 de novembro.

Durante esos tres días permanecerán expósitos os 50 proxectos de Secundaria e os 25 de Primaria (seleccionados entre máis de cen candidatos). Un pastilleiro intelixente para pacientes crónicos, unha aplicación móbil de alerta de avespa asiática, un espantallo 2.0 ou a reutilización de toalliñas húmidas como material de recheo en edredóns e chaquetas son só algúns dos inventos, centrados en resolver problemas reais, que poderán verse, e no caso dos de Secundaria situarse entre os tres finalistas e o que consiga a maior puntuación levará o primeiro premio, dotado con 1.000 euros para financiar a súa participación na maior feira científica a nivel estatal, a Exporecerca 2017.

Nesta edición os proxectos están elaborados por equipos procedentes de toda Galicia, Cataluña, Euskadi e, por primeira vez, Asturias de 35 colexios e institutos diferentes.

 

Visitantes na anterior edición da feira científica na Tecnópole.
Visitantes na anterior edición da feira científica na Tecnópole.

Segundo a Tecnópole, a previsión de visitas de grupos escolares de toda Galicia supera as 2.000, ás que se sumarán as persoas que acudan pola súa conta, xa que a feira é de entrada libre para particulares e familias polas tardes. A exposición de proxectos permanecerá aberta de 10 a 13 horas e de 15 a 18 horas.

As actividades paralelas deste ano terán as matemáticas como protagonistas. Durante os tres días da Galiciencia, os visitantes participarán en obradoiros nos que se explorará a relación das matemáticas coa enxeñería e coa natureza, co obxectivo de demostrar ata qué punto os números están presentes na nosa vida cotiá. Esta será tamén a idea principal do espectáculo científico e dos talleres para os máis pequenos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close