Chaman á participación da mocidade ourensá nas mobilizacións do 25 de xullo
Galiza Nova, a organización xuvenil do BNG, colgou a bandeira nacionalista da Ponte Romana de Ourense nun acto reivindicativo con motivo do Día de Galicia. Esta actividade está enmarcada dentro dos actos celebrados na “Semana da Patria” e dende a organización chaman á participación da mocidade ourensá nas mobilizacións.
A escaseza de bolsas para estudar ou a emigración forzada ao rematar os estudos foron algúns dos factores que citou a responsábel comarcal, Stella González. “Queremos vivir nunha Galiza con traballo e posibilidades. Non queremos emigrar” proclamou.