O operativo chámase “Hermes- Viaxar en Seguridade 2017” e faise debido á grande afluencia que reciben as estradas lusas durante as épocas do verán
A Guardia Civil e a Guarda Nacional Republicana colaborarán este verán na “Operación HERMES- Viaxar en Seguridad 2017”. Esta colaboración dase xa que, segundo aseguran fontes de Tráfico, durante a época de verán e vacacións, as autovías e estradas en Portugal soportan un incremento do tráfico viario, concretamente “polo fluxo de turistas estranxeiros e emigrados que retornan, así como polos movementos dos propios portugueses dentro do páis”, aseguran.
Por este motivo, baseándose en experiencias de anos pasados, está previsto que a GNR, vén de aumentar os seus servizos até o 3 de setembro, adecuando os seus medios para intensificar as accións de apoio e fiscalización na súa área de responsabilidade, con particular atención nas estradas máis críticas de acordo cos fluxos de tráfico previstos “con obxecto de previr e combater os accidentes de tráfico e garantir e apoiar aos usuarios”.
Este operativo chámase “Operación Hermes-Viajar en Seguridad 2017”, na que contarán co apoio doutras entidades como a Guardia Civil de Tráfico. Este apoio, aseguran, “é fundamental para o éxito dalgunhas accións previstas para o ámbito da operación”. Estas operacións están previstas, sobre todo, nas Compañías territoriais limítrofes de Verín e Celanova, así como as do Subsector de Tráfico de Verín e Ourense, que realizarán partrullas mixtas e servizos de controis conxuntos, naquelas vías de comunicación con máis afluencia de vehículos.
As accións conxuntas da GNR-GC de aopio aos emigrantes portugueses en territorio español integran a operación TISPOL proposta e organizada pola Agrupación de Tráfico da Guardia Civil “Safe Holidays”.
