En portadaGalerías de fotosÚltima hora

Gran diversidade de cogomelos, xantar gourmet e humor, nas XX Xornadas Micolóxica do Club Montaña Trives

Ademais ata o domingo 3 de novembro poderán saborearse as propostas do V Concurso de tapa micolóxica en 12 establecementos da vila

 

Coa posta en marcha do V Concurso de tapa micolóxica comezaba na tarde do 1 de novembro o programa propiamente dito das XX Xornadas Micolóxicas do Club Montaña Trives, cuxas actividades continuarán ata o domingo 3 de novembro.

Neste certame participan nesta edición 12 establecementos de hostalaría: Boliche, Casanova, Quintela, O Lar de Alicia, Sky, San Martín, O Bodegón, A Cantina do Catro, Manolos, Oca Nova Manzaneda, O Paíño e O Pan da María. Cada tapa ten un prezo único de 1,50 euros e será valorada por sabor e presentación polo xurado popular. O concurso concluirá o 3 de novembro ás 15h. e ás 18h. farase un sorteo de agasallos entre o público participante na praza do Reloxo.

 

 

Ademais, a primeira hora deste sábado 2 de novembro impartíase unha charla sobre micoloxía, a cargo da asociación Os Cogordos, no auditorio trivés. Unha hora despois saíase monte para recoller cogomelos. As chuvias dos últimos días e as altas temperaturas favorecían que os participantes puidesen reunir un gran número e tamén unha gran diversidade de especies.

Logo, ás 14:30h. servíase xantar gourmet micolóxico no Restaurante A Viuda de Trives (cunha entrada de 25 euros). E, na sobremesa, os asistentes desfrutaban do humor do actor ourensán Sergio Pazos. Despois do xantar procedíase á clasificación dos cogomelos recollidos no patio da Casa Grande e, seguidamente, abríase ao público a súa exposición ata as 22h. Esta mostra tamén poderá visitarse ao longo do 3 de novembro.

Fotos: Carlos G. Hervella, agás a última da galería que é cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close