Publicidade
CulturaCulturaÚltima hora

“Grease” estrea o autocine da Rúa con anécdota incluída

Con esta iniciativa cultural, que tiña unha boa acollida, colaboraba a agrupación de Protección Civil deste municipio

 

A partir das 22:30h. da noite do sábado 11 de xullo o campo de tiro do Aguillón convertíase no primeiro autocine da Rúa. Poñíase en marcha co mítico musical “Grease” e tiña unha boa acollida de público. De feito, algúns dos asistentes mesmo acudían a sesión con vehículos clásicos.

Durante a sesión cumpríanse as medidas de seguridade sanitaria fronte ao Covid-19 e contábase coa colaboración de Protección Civil. A proxección transcorría con normalidade ata que, arredor das 00:30h., cando faltaban apenas 15 minutos para o remate do filme un forte refacho de vento tiraba a enorme pantalla na que estaba proxectando a película. “Xa non se puido continuar”, comenta o concelleiro de Cultura da Rúa, José Vicente Solarat, que destaca a comprensión dos espectadores ante o incidente “a xente aceptouno de bo grao”, indica agradecendo o comportamento do público.

O edil de Cultura valora positivamente a acollida do autocine e adiante que haberá unha nova sesión o vindeiro sábado, á mesma hora e co mesmo prezo simbólico de 5 euros. Proxectarase a primeira parte de “Tiburón”. Máis adiante valórase seguir con algún outro musical, tal e como adianta José Vicente Solarat.

Fotos cedidas.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close