Publicidade
ConcellosÚltima hora

Grumir e Protección Civil de Verín felicitaron o aniversario de medio cento de nenos na corentena

O alcalde verinés pon en valor o labor destes voluntarios e traballadores municipais, que, ademais, están dende o primeiro día do confinamento "axudando a quen máis o necesita cos servizos de aprovisionamento de alimentos e medicinas e de reparto de material escolar"

 

 

Dende o inicio do estado de alarma decretado pola crise do coronavirus, os efectivos do Grupo Municipal de Intervención Rápida (Grumir) e os voluntarios da Agrupación de Protección Civil do Concello de Verín visitaban a máis de medio cento de cativos para felicitalos polos seus aniversarios.

A iniciativa poñíase en marcha co “fin de facer máis levadío o illamento dos máis pequenos da casa (dos 3 aos 10 anos) durante a fase máis dura do confinamento, e  finalizou co inicio da fase 1 da  desescalada, que xa permite a saída dos menores”, segundo informa o Concello de Verín.

O alcalde, Gerardo Seoane, quixo agradecer publicamente “o gran traballo que están a realizar durante o estado de alarma estes voluntarios e traballadores municipais que, ademais desta iniciativa solidaria, están dende o primeiro día do confinamento axudando a quen máis o necesita cos servizos de aprovisionamento de alimentos e medicinas e de reparto de material escolar;  e velando pola seguridade de todos os nosos veciños, mantendo as rúas da nosa vila limpas e desinfectadas”.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close