A Comandancia da Guardia Civil de Ourense deu a benvida hoxe, 26 de xuño, a 20 novos axentes en prácticas procedentes 18 da Academia de Baeza e 2 do Colexio de Guardias Jóvenes de Valdemoro.
O acto estivo presidido polo subdelegado do Goberno en Ourense, Roberto Castro, que salientou que é moi positivo que haxa xente xove “porque dinamiza o corpo, alén de seres unha experiencia moi positiva que lles permite tomar contacto coa profesión”. Por outra banda, lembroulles a estes novos Guardias Civís que “o honor e o espírito de servizo da Guardia Civil” fai que sexa unha institución moi valorada pola sociedade. Por este motivo, desexoulle sorte nos seus destinos.
Segundo informaron dende o Instituto Armado, estes guardias van estar destinados en distintos postos e destacamentos da provincia para realizar “labores de seguridade cidadá”.
Texto: Carlos Asensio.