Os días 21 e 22 de maio celebrarase a terceira edición do RallyMix da Gudiña, 1º Memorial Guillermo Lago, un evento que servirá para lembrar a figura do que fora alcalde da Gudiña, decentemente falecido e “alma máter desta proba” en palabras do presidente da Deputación de Ourense, Manuel Baltar, na presentación da competición automobilística.
No acto tamén estivo presente o director deportivo de HC Competición, Antonio Pérez, quen destacou que este ano o tramo é de algo máis de 11 quilómetros. “Mantemos boa parte do trazado pero incorporamos outro novo, de gran complexidade técnica para os pilotos”, dixo. En canto aos participantes, esperan contar con pilotos de Galicia, Asturias, Castela León e mesmo Portugal.
O actual alcalde da Gudiña, José María Lago, pola súa banda, asegurou que esta proba na que se
combina a terra e o asfalto, “é moi importante para A Gudiña, pola cantidade de xente que atrae e pola publicidade que xera”.
A da Gudiña é a terceira carreira do campionato galego de RallyMix 2016.